nepal life

भाइरल जूम्ह ताइवानी नर्स निङ, मिजंतय्गु लाइन स्वयेत

नेवा: अनलाइन न्युज | २०७४ मङ्सिर १९, मंगलबार १४:३१:४६

थ्व जमाना धैगु इन्टरनेटया जमाना खः । गन सुं नं मनू तुरुन्त हे भाइरल जुयाः विश्वन्यंकं परिचित जुइत ताःलाइ । अले सुं मनू तुरुन्त हे चर्चा व परिचर्चा व सम्मानपाखें गिरे नं जुइफइ । व ला घटना, परिस्थिति व संयोगया कासा बाय् उपज धाये ।

आः इन्टरनेटय् छम्ह नर्सया किपाःत आपालं हे पोष्ट, ट्वीट, रिट्वीट व शेयर जुयाच्वंगु दु । ताइवानय् च्वनीम्ह उम्ह नर्सया नां निङ चेन लिन खः । नर्स लिन थःगु हट सेल्फीया नितिं प्रसिद्ध जूगु दु ।

२५ दँया नर्स निङंं इन्स्टाग्रामय् आपालं सेल्फी तयेगु याःगु दु । निङया बांलाःसु (सुन्दरता)या हुनिं क्लिनिकय् आपालं ल्याय्म्हपिनिगु ताःहाकःगु लाइन जुइगु जुयाच्वंगु दु ।

निङयात आःतकयाम्ह हे हट नर्स कथं काःगु दु । निङ ताइवानया छगू क्लिनिकय् डा. मिनया लिसें ज्या यानाच्वंगु दु । निङया किपाःत याकनं हे भाइरल जुयाः स्वस्वं हे आपालं फ्लोअर्सपिनिगु ल्याः अप्वःगु खः ।

निङयात स्वयेगु नितिं हे जकसां क्लिनिकय् ल्याय्म्हपिनिगु भीड जुइगु जुयाच्वंगु दु । थ्वसिबें न्ह्यः ताइवानय् हे च्वनीम्ह नर्स क्यारिना नं सेल्फीया हुनिं चांचां हे हिट जूगु खः ।

Categorized in कला