nepal life

बैतडीइ मलः जुयाः २२ म्ह सेना घाःपाः, न्याम्हेसिगु अवस्था तःच्वः

नेवा: अनलाइन न्युज | २०७४ फाल्गुण २, बुधबार १०:४२:५८

मलः (चट्याङ) जुयाः बैतडीइ २२ म्ह नेपाली सेना घाःपाः जूगु दु । घाःपाः जूपिं मध्ये न्याम्हेसिगु अवस्था तःच्वः जूगु दु ।

मंगलवाः सनिलया ७ः५० ता इलय् जूगु मलखं शत्रुमर्दन गुल्मया सेनाया जवानपिं घाःपाः जूगु शत्रुमर्दन गुल्मया गुल्मपति सेनानी सुदीप बानियां जानकारी बियादीगु खः ।

तालिमय् च्वनाच्वंपिं सेनाया जवानपिं आकाझाकां मलं जुयाः घाःपाः जूगु खः ।

सेनानी बानियाया कथं तच्वकं घाःपाः जूपिं अमरसिंह आलेमगर, बलराम थापामगर, दिनेशराज भट्ट, धनबहादुर ठनेत व सोनाम लामा तामाङयात थप वासः यायेगु नितिं येँय् छ्वयाहःगु खः ।

सामान्य घाःपाः जूपिं १७ म्हेसिगु धाःसा जिल्ला अस्पतालय् हे वासः जुयाच्वंगु दु ।

Categorized in दुर्घटना-अपराध