nepal life

बुद्धिस्ट व मेगु धर्मया जनतापिन्त हेला यायेगु जुयाच्वंगु दुः नायः प्रचण्ड

नेवा: अनलाइन न्युज | २०७४ माघ २८, आइतबार १३:४४:४७

गृहजिल्ला चितवन थ्यंकादीम्ह माओवादी नायः पुष्पकमल दाहाल प्रचण्ड शनिवाः बागू दर्जनं मल्याक्क ज्याझ्वलय् सहभागी जुयादीगु खः । वमध्ये छगू ज्याझ्व बौद्ध धर्मावलम्बीया धर्मदेशना व महाबौद्ध गुम्बा उलेज्या ज्याझ्वः खः ।

सम्बोधनया झ्वलय् राजनीतिबारे न्वःवायेमखु धयादीम्ह प्रचण्डं धर्मया विषयस खुलस्त जुयाः धारणा तयादिल ।

वंगु सोमवाः जक देवघाटय् झाःबलय् ‘धर्मगुरुं टेबलय् दायाः धर्मनिरपेक्ष छाय् तल, जनमत संग्रहर यायेमाः धाःगु न्वंकूसें आः भिक्षुं राज्यं थ्व छु याःगु धयादी ।’

नायः प्रचण्डं धर्म निरपेक्षता स्वीकार यानाः राज्यं फुक्क धर्मयात समान रुपं सम्मान यायेगु धाःगु तर, व्यवहार उकथं मजूगु धयादिल ।

प्रचण्डं धयादी, “छगू धर्मयात राज्यया धर्म, मेगु धैगु मनूया धर्मथें याःगु दु । बुद्धिस्टपिं, मेगु धर्मय् विश्वास याइपिं जनतायात राज्यं चिरिमांया सन्तानया व्यवहार याःगु हे खः । आः नं थुज्वःगु स्थिति अन्त्य जूगु मदुनि ।”

माओवादी नायः प्रचण्डं बौद्ध दर्शन, गुम्बातय्गु पुनःनिर्माणय् ज्या यायेत संवैधानिक प्रतिष्ठान दयेकेत पहल यायेगु धयादीगु दु ।

Categorized in स्थानिय-समाज