nepal life

बुदिं भिंतुना म्येकासाय् १० दँ दुम्ह विधान तुलाधरया चमत्कार ! (भिडियो स्वयादिसँ)

नेवा: अनलाइन न्युज – ललेन्द्र शाक्य | २०७४ पौष २४, सोमबार १२:५४:४२

पेजथ्रीया ग्वसालय् संगीतकःमिनिसें संचारकःमि सुरजवीर बज्राचार्यया सः व च्वसाय् मंगल धूनया लसय् व जुगल डंगोलया संगीत संयोजनय् पिदंगु बुदिंया भिंतुना म्येकासा थौंकन्हय् न्ह्यानाच्वंगु दुसा सामाजिक संजाल यूट्युब व फेसबुकय् अतिकं बय्–बय् जुयाच्वंगु दु ।

थुगु म्येकासाय् छम्ह नच्चाम्ह मचा १० दँ दुम्ह विधान तुलाधरं नं थुगु कभर सङ्ग हालादीगु दु । उगु कभर सङ्ग विधान तुलाधरं म्हिगः आइतवाः सुथसिया ११ ता इलय् अपलोड यानादीगु खः । अपलोड जुइखतं सोमवाः तकया दुने हे न्याद्वलं मल्याक भ्यूअर्सपिन्सं विधानया म्ये स्वल, थ्व छगू विधान तुलाधरया चमत्कार हे खः कि धकाः संगीतह्यःमिपिनिगु दथुइ चर्चा परिचर्चा जुयाच्वंगु दु ।

विधान तुलाधर नेवाः पत्रकार राष्ट्रिय दबूया दुजःलिसें रेडियो उपत्यका एफएमया पत्रकार विगेन तुलाधरया काय् खः ।

भिंतुना बुदिं म्येकासाय् स्वयम विगेन तुलाधरं नं उगु म्ये हालाः ब्वति कयादीगु दुसा रेडियो उपत्यकाया मेम्ह पत्रकार लजना मानन्धरं नं थुगु कासाय् ब्वति कयादीगु दु ।

(थन क्लीक यानाः विधान तुलाधरया भिंतुना बुदिं म्ये स्वयादिसँ)

Categorized in कला