nepal life

बुटवलया प्लाष्टिक गोदामय् मिँ च्यानाः २ करोड क्षति

नेवा: अनलाइन न्युज | २०७४ फाल्गुण २, बुधबार १२:४२:५३

रुपन्देहीया बुटवलय् च्वंगु संगमपथया युनाइटेड प्लाष्टिक इन्डष्ट्रिज प्रा.लि.या गोदामय् मिँ च्यानाः २ करोड तका बराबरया क्षति जूगु दु ।

मिँ च्याःगु हुनिं गोदामय् भण्डार यानातःगु प्लाष्टिकया सामानत च्यानाः नष्ट जूगु दु । मिँ च्याःगु पाखें २ करोड बराबरया क्षति जूगु संचालक जीवन गौतमं धाःगु दु ।

मिँ नियन्त्रणय् कायेगु नितिं प्यंगः दमकल छ्यःगु खः । बुटवलया दमकलया लः फुइधुंकाः मेमेथासय् च्वंगु दमकलया ग्वाहालि काःगु खः ।

मिँ स्यायेगु नितिं भैरहवा सिद्धार्थनगर, परासी, रामग्राम व कपिलवस्तुया वाणगंगापाखें वःगु दमकल सःतूगु खः । प्रहरी, स्थानीय बासिन्दां मिँ नियन्त्रणय् काःगु खः ।

Categorized in दुर्घटना-अपराध