nepal life

बुखँ सम्प्रेषणय् ध्यानबिइत प्रेस काउन्सिलपाखें आग्रह

नेवा: अनलाइन न्युज | २०७४ पौष २८, शुक्रबार १०:००:५०

प्रेस काउन्सिल नेपालं मानवीय अभिरुचिया विषयस बुखँ बाय् किपाः सम्प्रेषणय् ध्यान बिइत आमसंचार माध्यमयात आग्रह याःगु दु ।

काउन्सिलं खासयानाः शीतलहरया हुनिं तराईया जिल्लाय् सुं नागरिक व मचातय्गु ज्यान तकं वनेधुंकूगु सन्दर्भय् उकिया बारे किपाः बाय् बुखँ सार्वजनिक यायेबलय् ध्यान बिइत आग्रह याःगु खः ।

काउन्सिलपाखें सार्वजनिक याःगु विज्ञप्तिइ धयातःगु दु, “शीतलहर लिसेंया विषयस अतिकं संयमित जुयाः पत्रकार आचारसंहिताया तकं पालना यानाः सत्यता–तथ्यपरकता, सन्तुलन, वस्तुनिष्ठता व शिष्टताय् ध्यान बियाः बुखँ सम्प्रेषण यायेत प्रेस काउन्सिल नेपाल सकसित दुनुगलंनिसें अपिल यानाच्वना ।”

Categorized in राष्ट्रिय