nepal life

बीबीसीं मदुम्ह शशिकपुर धकाः अमिताभ बच्चन व ऋषिकपुर क्यन (बीबीसी भिडियो क्लीप स्वयादिसँ)

नेवा: अनलाइन न्युज | २०७४ मङ्सिर १९, मंगलबार १६:४७:४६

बलिउडया रोमान्टिक एक्सन एक्टर शशिकपुर सोमवाः ७९ दँया उमेरय् मुम्बईया कोकिलाबेन धीरुबाई अम्बानी अस्पतालय् मन्त ।

थुगु खबर हलिंन्यंकंया संसार माध्यमतसें थाय् बिया: श्रद्धाञ्जलि बिइगु ज्या जुल । तर बीबीसीं धाःसा तःधंगु गल्ती ब्लण्डर यानाः मखूगु भिडियो क्लीप टेलिभिजनपाखें सार्वजनिक याःगु दु ।

बीबीसीया उगु तःधंगु गल्ती व भूलया भिडियो क्लीप आः ट्विीटरय् अतिकं ट्रोल जुयाच्वंगु दु । बीबीसीं शशिकपुरया क्लीपया पलेसा सुपरस्टार अमिताभ बच्चन व ऋषिकपुरया फिल्मतय्गु भिडियो शशिकपुर धकाः प्रसारण याःगु खः ।

बीबीसीया समाचारवाचकं न्हापां शशिकपुर मदुगु खबर धाइ अले भिडियो क्लीप प्रसारण जुइ, गुकी न्हापां अमिताभ बच्चन व वधुंकाः हाकनं ऋषिकपुरया भिडियो प्ले जुइ । गुगु बीबीसीया ब्लण्डर मिस्टेक खः ।

(बीबीसीं क्यंगु भिडियो क्लीप स्वयादिसँ)

Categorized in अन्तर्राष्ट्रिय