nepal life

बिस्युं वनाच्वंम्ह अपराधी २० दँ लिपा प्रहरीया फन्दाय्

नेवा: अनलाइन न्युज | २०७४ माघ २९, सोमबार १३:४४:१८

बुटवलय् कर्तव्य ज्यान मुद्दाय् अदालतपाखें सर्वस्वलिसें जन्म कैदया फैसला न्यंकूम्ह छम्ह बिस्युं वनाच्वंम्ह अपराधी २० दँ लिपा प्रहरीया फन्दाय् लाःगु दु ।

रुपन्देही जिल्लाया साविक हर्नैया गाविस–२ थौंकन्हय् सियारी गाउँपालिका–३ या चन्द्रावती थारुयात बि.सं. २०५३ जेठय् कर्तव्य यानाः स्याःगु अभियोगय् रुपन्देही जिल्लाया साविक सिक्टहन गाविस–६ (थौंकन्हय् देवदह नगरपालिका–१२) च्वनीम्ह ५० दँया राधेश्याम जैसवाल कलवारं भैरहवाय् थःगु वास्तविक म्हसीका सुचुकाः च्वनाच्वंगु अवस्थाय् प्रहरीं विशेष सुराकीया आधारय् शनिवाः ज्वंगु जिल्ला प्रहरी ज्याकुथिं जानकारी ब्यूगु दु ।

राधेश्यामयात सर्वोच्च अदालतं बि.सं. २०६५ भदौ २३ गते जूगु फैसलाय् सर्वस्वलिसें जन्मकैद सजाय न्यंकूगु खः ।

Categorized in दुर्घटना-अपराध