nepal life

बास्केट बल कासा न्ह्यात

नेवा: अनलाइन न्युज | २०७४ आश्विन ३०, सोमबार १६:२७:२०

दँय्दँसं न्ह्यनाच्वंगु कीर्तिपुर बास्केटबल एकेदेमि व किपू नगरपालिकाया मंकाः ग्वसालय् बास्केट बल कासा न्ह्याःगु दु ।

फाइनल कासा वइगु कार्तिक ११ गते सनिवाः जुइत्यंगु दु । ७ क्वःगु इन्टर वडा बास्केत बल धेँधेँबल्लाः कासा वंगु असोज २३ गते सोमवाः निसें न्ह्याःगु खः ।

थुगु कासाय् किपूया वडां मिजं कासाय् वडा ल्याः १, २, ५, ७, ८, ९, १० पाखें ब्वति काःगु दुसां अथेहे मिसातय्गु कासाय् वडा ल्याः १ पाखें निगू पुचलं, वडा ल्याः ३, ८, ९, १० (निगू) कासाय् ब्वति काःगु खः ।

अथेहे सेमिफाइनल कासय् वडा ल्याः १ व ९ दथ्वी जूगु कासाय् ५६—४० स्कोरं वडा ल्याः १ त्याकेत ताःलाःगु खःसा आइतवाः जूगु मेगु कासाय् वडा ल्याः १० व ८ दथ्वी जूगु कासाय् ६७—६० स्कोरं वडा ल्याः १० त्याःगु खः ।

अथेहे मिसातय्गु सेमिफाइन कासाय् वडा ल्याः ९ व वडा ल्याः १ (बी) दथ्वी जूगु कासाय् १४—२ स्कोरं बुकाः वडा ल्याः ९ सेमिफाइनय् थ्यंकेत ताः लात ।

मेगु कासाय् वडा ल्याः १० (ए) व वडा ल्याः ८ दथ्वी जूगु कासाय् ६—४ अन्तरं बुकाः वडा ल्याः ८ फाइनलय् थ्यंकूगु दु ।

–रीदेन महर्जन

Categorized in कासा