nepal life

बार्सिलोना घटनाय् ३४ गू देय्या नागरिकपिं लात, १४ म्ह सित

नेवा: अनलाइन न्युज | २०७४ भाद्र ३, शनिबार १४:१८:३३

स्पेनया बार्सिलोनाय् जूगु निगू ब्यागलं ब्यागलं आक्रमणय् लानाः सीपिनिगु ल्याः १४ म्ह थ्यंगु दु । घटनाय् थ्यंमथ्यं १०० म्हं मल्याक घाःपाः जूगु स्पेनी नागरिक सुरक्षा मामिला स्वइगु सरकारी निकायं  शुक्रवाः जानकारी ब्यूगु दु ।

उगु संस्थाया कथं घटनाय् सीपिं व घाःपाः जूपिं थीथी ३४ गू देय्या नागरिक लाःगु दु । घटनाय् फ्रान्स, पाकिस्तान, स्पेन, नेदरल्याण्ड, चीन, भेनेजुएला, मौरीटानिया, अष्ट्रेलिया, बेलायत, आयरल्याण्ड, बेल्जियम, पोर्चुगल, ग्रीस, हंगेरी, मेसेडोनिया, अष्ट्रिया, टर्की लिसेंया देय्या नागरिकपिं लाःगु जानकारी ब्यूगु दु ।

घटनाय् सुं नं नेपाली लाःगु जानकारी आःतक वःगु मदुनि ।

थ्वहे झ्वलय् आक्रमणय् दुथ्याःगु द्वपनय् स्पेनी सुरक्षाकःमिं स्वम्हेसित ज्वनेधुंकूगु खःसा हाकनं मेम्ह छम्ह यानाः प्यम्हेसित ज्वनेधुंकूगु दु । क्याम्ब्रिल व बार्सिलोनाय् उपिं मनूतसें याःगु गतिविधिया आधारय् प्रहरीं द्वपनय् लाःपिन्त ज्वंगु खँ ट्वीटय् जानकारी बियातःगु दु ।

Categorized in अन्तर्राष्ट्रिय