nepal life

बाध्यताया नमूना नग्न मोडल

२०७४ कार्तिक ९, बिहिबार १४:००:०२

छगू फोहरगु वस्तीं छम्ह मिसा पिहाँ वइ । यचुपिचुगु सहरया छगू विश्वविद्यालया ललितकला विभागय् थ्यनी । गन ल्याय्म्ह ल्यासेपिं कला अध्ययन यानाच्वंपिं विद्यार्थीतय्सं वयात पियाच्वंगु दइ ल्हातिई ब्रश ज्वनाः २० दँ दुम्ह उम्ह गंसिम्ह ल्यासें उगु विश्वविद्यालयया छम्ह जक नग्न मोडल खः । विश्वविद्यालयय् थः विद्यार्थीतय् चित्रकलाया प्रयोगात्मक ज्याय् मानव संरचना चित्र दयेकेमालीगु अवस्थाय् नग्न मिसा न्ह्यःने तयाबीगु याना वयाच्वंगु खः । उकिया नितिं हे छम्ह २० दँया ल्यासे विद्यार्थीतय् न्ह्यःने नांगा च्वना बी । चित्रकला प्रयोगया नितिं ।
छगू क्वथा गन झ्याःखापा फुक्कं तिनतःगु दई । अज्याःगु थासय् प्रयोगात्मक क्लास जुइ । ल्यासे, ल्याय्म्ह विद्यार्थीतय् दथुइ उम्ह ल्यासे मोडल थःगु म्ह ब्वयाः पोज बी । विद्यार्थीतय्सं वया अंगप्रत्यंगया किपाः थःगु क्यान्भासय् च्वइ । थुकथं छम्ह मिसा प्रयोगात्मक ज्याया नितिं विद्यार्थीतय् न्ह्यःने नांगां च्वना बी । थुकथ नांगां मोडल जुइम्ह तसकं बदनाम नं जुइ । वैत बांमलाःगु दृष्टिकोणं नं स्वइ । थुकियात व मोडल जूम्ह ल्यासें थःगु वाध्यता धाइ ।
घँै, निघौ नांगां च्वनाः सकिसियां न्ह्यःने धाःधाःगु पोजय् च्वनेगु सुया निंतिं अःपुगु खँ मखु । थुबले वं गज्याःगु अनुभव याई ले न्ह्यसः नं दनी । तर थुकथं मोडलिंग याःगु वापत वइगु पारिश्रमिक नं अतिकं म्ह्वः जूगु खँ दु ।
‘दक्कसिनं न्ह्यःने लं त्वःताः नांगां पोज बीगु ज्या तसकं थाकू । जितः तसकं तनाव जुइ उब्ले । जितः थ्व ज्या मयाः तर बाध्य जुयाः याना च्वनागु दु । जिमिगु परिवारं थ्व खँ मस्यू । सुनां थ्व खँ  सिल धाःसा जिगु इहिपाः नं जुइमखु जुइ । मोडलं कनी अथेहे थःम्ह कलाकार दयेकेज्या यक्वसिया ग्वाहालि यानागु खँ  नं धाइ ।
पश्चिमी देसय् थज्याःगु मोडलिंगयात बांलाःगु पेशाया रुपय् नं काः तर दक्ष्ािँण एशियाया नितिं थ्व इज्जत वनीगु ज्याया रुयय् कायेगु याः । थःगु ज्या क्वचायेका व मोडल हानं साइकल गयाः लिहां वनी । वं धाइ जिं परिवार चले यायेत बाध्य जुयाः थ्व ज्या यानाच्वनागु दु । – एजेन्सी