nepal life

बलात्कारी बाबाया यःम्ह म्ह्याय् हनिप्रितया नेपालय् दु

नेवा: अनलाइन न्युज | २०७४ भाद्र २७, मंगलबार १७:२६:२६

भारतीय बलात्कारी बाबा राम रहिमया यःम्ह म्ह्याय् कथं कयातःम्ह हनिप्रित नेपालय् हे दूगु दसि (प्रमाण) लुयावःगु हरियाणा प्रहरीं जानकारी ब्यूगु दु ।

छम्ह भिक्षुणीयात बलात्कार याम्ह बाबा राम रहिमयात अदालतं दोषी ठहर यायेधुंकाः आः बाबा जेलय् थःगु गल्तीया सजाय भोगेयानाच्वंगु दु ।

बाबायात जेल सजाय न्यंकेखतं हनिप्रित नं बाबालिसें हे जेल वनेत तयार जूगु खः । तर वयात जेलया प्रमुख अधिकारीं जेलय् च्वनेत अस्वीकार याःगु खः । वधुंकाः गायब जूम्ह हनिप्रित आः नेपालय् दूगु खबर भारतीय संचारमाध्यमतसें न्ह्यथंगु दु ।

हनिप्रित नेपालय् हे दूगु धासें जासुसी एजेन्सी ‘र’ व नेपाल प्रहरीलिसे हरियाणा प्रहरीं ग्वाहालि फ्वंगु भारतीय समाचार एजेन्सी इन्डिया न्यूजं जानकारी ब्यूगु दु ।

तर नेपाल प्रहरीं धाःसा हरियाणा प्रहरीं ग्वाहालि फ्वंगु बारे छुं नं जानकारी ब्यूगु मदुनि । भारतीय संचारमाध्यमं हनिप्रित नेपालय् दूगु प्रमाणबारे धाःसा प्रष्ट याःगु मदु । तर, हनिप्रितलिसे नेपालय् आदित्य इंसां व मेम्ह छम्ह मनू नं नापं हे दूग हरियाणा प्रहरीं दाबी याःगु दु ।

(थन क्लीक यानाः भिडियो स्वयादिसँ)

Categorized in अन्तर्राष्ट्रिय