nepal life

फुटबल इतिहासय् हे आःतक मजूनिगु ‘पेनाल्टी गोल’ (भिडियो स्वयादिसँ)

नेवा: अनलाइन न्युज | २०७४ कार्तिक १७, शुक्रबार १३:०७:३३

वंगु शनिवाः थाइल्याण्डय् जूगु छगू स्थानीय युथ–१८ कप फुटबलय् छगू अतिकं अजूचायापूगु रोमाञ्चक पेनाल्टी सुट स्वयेखन । गुगु गोल सायद, फुटबल इतिहासय् हे आःतक मजूनिगु ‘पेनाल्टी गोल’ जुइमाः ।

बैंककय् जूगु उगु फुटबल सात्री आङथोङ क्लब व बैंकक स्पोर्ट्स क्लब दथुइ जूगु सेमिफाइनला कासा खः ।

उगु कासाय् जूगु उगु अजूचायापूगु पेनाल्टीया भिडियो आः इन्टरनेटय् हलिंन्यंकं भाइरल जुयाच्वंगु दु ।

उगु कासाय् वंगु शनिवाः जूगु कासाय् निगुलि टिमं निर्धारित इलय् २–२ गोलया बराबरी म्हितेधुंकाः निर्णय टाइब्रेकरपाखें जूवंगु खः । टाइब्रेकरय् थ्यंगु कासाय् निगुलि टिमं मद्दिक्क १९–१९ गोल याःबलय् तक कासा न्ह्याइपुपुं वनाच्वंगु खः । उगु हे इलय् १९–१९ गोल जुयाच्वंगु इलय् बैंककया छम्ह कासामिं प्रहार याःगु पेनाल्टी विपक्षी टिमया गोल पोष्टया च्वय्या बारय् हानाः लिहाँ वःगु खः ।

थ्व धुंकाः सात्री आङथोङया गोलकिपर पेनाल्टी बारय् लायेधुंकाः लसतां प्वंकेत डि एरियां पिने वनी । तर उम्ह गोलकिपरया लसता तुरुन्त दुःखय् परिणत जुल । छाय् धाःसा उगु बारय् हानाः लिहां वुं बल बँय् वयाः तुलाः वनाः गोलपोष्ट दुने दुहाँ वन व गोल जुल । उगु कासा बैंककं २०–१९ गोल अन्तरं त्याकूगु खः ।

(थन क्लीक यानाः अजुचायापूगु पेनाल्टी गोल स्वयादिसँ)

Categorized in कासा