nepal life

फिफां पाकिस्तान निलम्बित

नेवा: अनलाइन न्युज | २०७४ आश्विन २६, बिहिबार १३:५१:४५

स्वंगू पक्षया हस्तक्षेपया हुनिं बुधवाः फीफां पाकिस्तान फुटबल महासंघ (पीएफएफ) या सदस्यतायात निलम्बित याःगु दु । पाकिस्तानय् अदालतं फुटबल संचालन यायेगु नितिं व्यवस्थापकयात नियुक्त याःगु दु ।

फिफां धाःसा जबतक महासंघया ज्याकुथि व उकिया वित्तीय अधिकार अदालतपाखें नियुक्त याःगु व्यवस्थापकयाके जुइ उबलेतक पाकिस्तान फुटबल संघया सदस्यतां निलम्बित जुयाच्वनी ।

फिफा काउन्सिल ब्यूरों पाकिस्तानयात लिकायेगु निर्णय याःगु खः व उकियात तुरुन्त लागू नं याःगु दु । फिफा परिषद ब्यूरों फिफाया नियम कथं अदालतपाखें नियुक्त व्यवस्थापकयात हस्तक्षेप कथं काइगु व स्वतन्त्र रुपं ‘पीएफएफ’या संचालन यायेगु नितिं व्यवस्थापकं थःगु पद त्वःतेमाःगु धाःगु दु ।

Categorized in कासा