nepal life

प्रहरी चौकीइ आक्रमण, नीनिम्ह प्रहरी व पीन्याम्ह आतंककारी सित

नेवा: अनलाइन न्युज | २०७४ कार्तिक २९, बुधबार १०:०१:०४

अफगानिस्तानया दक्षिणी प्रान्त कान्दाहारय् मंगलवाः चान्हय् जूगु आक्रमणय् लानाः कम्ती नं नीनिम्ह प्रहरी सीगु दु । प्रान्तीय प्रहरी प्रवक्तां मंगलवाः उगु जानकारी ब्यूगु अनया स्थानीय संचारमाध्यमं जानकारी ब्यूगु खः ।

कान्दाहार प्रान्तया मेवान्द जिल्लाय् तालिवान आतंककारीं याःगु आक्रमणय् लानाः पीन्याम्ह आतंकारी स्याःगु दु ।

अथेहे, उगु आक्रमणय् लानाः मेपिं झिंन्याम्ह प्रहरी व स्वीन्याम्ह आतंककारी घाःपाः जूगु दु । घटनाया विस्तृत जानकारी धाःसा वःगु मदुनि ।

Categorized in अन्तर्राष्ट्रिय