nepal life

प्रयास प्रि-स्कूल व तालिम केन्द्रय् स्वास्थ्य शिविर

नेवा: अनलाइन न्युज | २०७४ कार्तिक २३, बिहिबार १६:३३:३६

लच्छिया छक्वः न्ह्याकाः वयाच्वंगु सेचेन क्लिनिक एण्ड हस्पिटल्स व किपूया भाजंगालय् च्वंगु प्रयास प्रि–प्राइमरी स्कूलया मंकाः ग्वसालय् निःशुल्क स्वास्थ्य शिविर (जनरल हेल्थ चेक व निःशुल्क वासः) वितरण ज्याझ्वः बुधवाः जूगु दु ।

उगु शिविरय् स्थानीयपिन्त निःशुल्क स्वास्थ्य सेवा बिइगु लिसें ल्याब टेस्ट, स्तुल टेष्टया ज्याझ्वः जूगु प्रयास प्रि–स्कूलया प्रिन्सिपल सिलु महर्जन जानकारी बियादिल ।

मानविय सेवा हे धर्म तायेकाः लच्छिया छक्वः न्ह्याका वयाच्वंगु उगु स्वास्थ्य शिविरय् भाजंगाः, पांगा, न्हूबजाःया स्थानीय बासिन्दा लिसें यानाः थ्यंमथ्यं ७० म्हेसिन स्वास्थ्य परिक्षण यानाः स्वाथ्य लाभ कयादीगु खः ।

छुंनं कथंया स्वास्थ्य समस्या जूपिन्सं वइगु मंसिर २० गते जुइगु निःशुल्क स्वास्थ्य शिविरय् उसाँय् क्यनेत सकलसित इनाप याःगु दु ।

–रीदेन महर्जन

Categorized in स्थानिय-समाज