nepal life

प्रदेश ३ य् केशव स्थापित पूर्वाधार मन्त्री, शालिकराम गृहमन्त्री

नेवा: अनलाइन न्युज | २०७४ माघ २९, सोमबार १५:४८:०६

प्रदेश नम्बर ३ या मुख्यमन्त्री डोरमणि पौडेलं स्वम्ह दुजःया मन्त्रिपरिषद् नीस्वंगु दु ।

एमालेपाखें केशव स्थापित मन्त्री जुयादीगु दुसा माओवादी केन्द्रपाखें शालिकराम जम्मरकट्टेल मन्त्री जूगु दु ।

जम्मरकट्टेलं प्रदेशया गृह मन्त्रालय कथं कयातःगु आन्तरिक मामिला व कानून मन्त्रालय कःघानादीसा केशव स्थापितं भौतिक पूर्वाधार मन्त्री जुयादीगु दु ।

शालिकराम व केशव स्थापित निम्हेसित सोमवाः प्रदेश प्रमुख अनुराधा कोइरालां सपथ ग्रहण याकादीगु खः ।

अन्तरिम मामिला मन्त्रालय कायेमखने धुंकाः जम्मरकट्टेलं सरकारय् वनेत आनाकानी याःगु खः ।

तर, एमाले नायः केपी शर्मा ओली व माओवादी नायः प्रचण्डदथुइ सहलह जुइधुंकाः सहमति चूलाःगु खः ।

वार्ता लिपा प्रचण्डं प्रदेशसभा संसदीय दलया नेता जम्मरकट्टेलयात फोन यानाः सरकारय् सहभागी जुइत निर्देशन बियादीगु खः ।

Categorized in राजनीति