nepal life

पृथ्वी जयन्तीया विरोधय् असनय् नेवाःत मुन (किपाः स्वयादिसँ)

नेवा: अनलाइन न्युज – ललेन्द्र शाक्य | २०७४ पौष २७, बिहिबार ११:५४:५२

नेवाः जागरण मञ्चया ग्वसालय् थौं पुस २७ गते बिहिवाः पृथ्वी जयन्तीया दिं सरकारं सार्वजनिक विदा ब्यूगु विरोधय् येँया असनय् प्लेकार्ड ब्वज्या जूगु दु ।

‘पृथ्वीनारायण शाह नं नेपाः एकीकरण याःगु मखु, राज्य विस्तार जक याःगु खः’ धैगु नारा थ्वयेकाः गणतन्त्र नेपालय् जुजु पृथ्वीनारायण शाहया नामं ब्यूगु बिदाया विरोध यायेनु धैगु सः थ्वयेकाः प्लेकार्ड ब्वज्या याःगु ख ।

उगु ज्याझ्वलय् २०६३ सालया आन्दोलनपाखें गणतन्त्र वयेधुंकाः पृथ्वी जयन्तीया दिं बियातःगु विदा रद्द यायेधुंकूगु खः । तर आः वयाः हाकनं थौंया सरकारं सार्वजनिक बिदा ब्यूगुलिं उकिया विरोधय् उकथं प्लेकार्ड ब्वज्या याःगु खः ।

थौं बिहिवाः हे नेपाः युथ अर्गनाइजेशनपाखें असनय् हे मुनाः मोटरसाइकल ¥याली यानाः किपूया छ्याकं ल्वहतय् वनाः विरोधया ज्याझ्वः तयातःगु दुसा नेवाः प्रदेश आदिवासी जनजाति जागरण अभियानपाखें नं किपूया छ्याकः ल्वहतय् थीथी ज्याझ्वः तयातःगु दु ।

नेवाः जागरण मञ्चं उगु नेपाः युथ अर्गनाइजेशन व नेवाः प्रदेश आदिवासी जनजाति जागरण अभियानया ज्याझ्वःयात ऐक्यबद्धता नं प्वंकूगु दु ।

थन क्लीक यानाः भिडियो स्वयादिसँ
‘पृथ्वीनारायण शाह नं नेपाः एकीकरण याःगु मखु, राज्य विस्तार जक याःगु खः’ –नेवाः न्ह्यलुवाः मल्ल के. सुन्दर