nepal life

पृथ्वीनारायण शाहया नामं ब्यूगु विदा लित का –जनजाति महासंघ

नेवा: अनलाइन न्युज | २०७४ पौष २६, बुधबार १८:०७:०६

नेपाल आदिवासी जनजाति महासंघं पृथ्वीनारायण शाहया जन्मजयन्तीया लसताय् पुस २७ गते सरकारं सार्वजनिक विदा ब्यूगु धासें तत्काल उगु विदा लित कायेत माग याःगु दु ।
महासंघया अध्यक्ष जगत बरामं मंगलबाः प्रेस विज्ञप्ती जारी यायें शाहया जन्मजयन्तीया लसताय् ब्यूगु विदा लित कायेत माग यानादिगु खः ।
सरकारं राष्ट्रिय एकता दिवसया रुपय् शाहया जन्मजयन्ती लसताय् सार्वजनिक विदा बिइगु निर्णय याःगु खः ।
जनजाति महासंघ शाह राष्ट्रिय एकताया प्रतिक जुइ मफइगु खँ न्हयथंसें
आम आदिवासी जनजातिया राजनीतिक, सामाजिक, सांस्कृतिक, आर्थिक, धार्मिक हक अधिकार, मूल्य व मान्यतायात क्वत्यला आन्तरिक औपनिवेशीकरणया शैली राज्य विस्तार याम्ह व्यक्तिया बुन्हिंया न्हिं तथाकथित राज्य एकीकरणया पगरी पुइका सरकारं सार्वजनिक विदा ब्यूगु यात कयाः घोर भत्र्सना यासें उगु निर्णय तत्काल लित कायेत जोडदार माग याःगु दु ।

किपाः सार्वजनिक डटकम

Categorized in स्थानिय-समाज