nepal life

पूर्वी अफगानिस्तानय् ६० म्ह आइएस लडाकू स्यात

नेवा: अनलाइन न्युज | २०७४ पौष १८, मंगलबार १७:५४:४४

पूर्वी अफगान प्रान्त नान्गाहारय् अफगान सुरक्षाबलं याःगु कारवाहीया झ्वलय् ६० म्ह सिबें अप्वः आइएस लडाकू स्याःगुु दु ।

आतंककारी सुलाच्वंगु थासय् मंगलवाः सुथ न्हापां जूगु हवाई कारवाहीया झ्वलय् ६० म्ह सिबें अप्वः आइएस लडाकू स्याःगु प्रान्तीय सरकारया प्रवक्ता आताउल्लाह खोगीआनीं धयादीगु दु ।

नान्गाहार प्रान्तया हस्का मिना जिल्लाय् आइएस आतंककारी सुलाच्वंगु थाय्यात लक्षित यानाः मंगलवाः सुथय् सरकारी सुरक्षा बलं याःगु हवाई कारवाहीलय् लानाः ६० म्ह सिबें अप्वः आतंककारी स्याःगुया लिसें मेपिं १८ म्ह घाःपाः जूगु खोगीआनीं धयादीगु दु ।

थुगु कारवाहीया झ्वलय् छम्ह सर्वसाधारणया ज्यान वंगु लिसें मेपिं १३ म्ह घाःपाः जूगु धाःगु दु ।

नान्गाहार प्रान्तया पूर्वी भागय् सक्रिय जुयाच्वंपिं आइएस लडाकू पुचलं धाःसा उगु कारवाहीया विषयस छुं टिप्पणी याःगु मदुनि ।

Categorized in अन्तर्राष्ट्रिय