nepal life

पुंलाम्ह हिरो ईश्वरं अमेरिकाय् हे म्युजिक भिडियो दय्कल

नेवा: अनलाइन न्युज – विजयरत्न | २०७४ कार्तिक २१, मंगलबार १०:३०:४०

नेपाली फिल्मया छम्ह पुलांम्ह हिरो ईश्वर थापां दय्कूगु व निर्देशन यानादीगु वय्कया हे हिट फिल्म “हाउडे” या टाइटल म्ये या रिमिक्स भर्सन कथं दय्कूगु म्येया म्युजिक भिडियो रिलिज जूगु दु । ड्रिम्स गेट नेपालया युट्युब च्यानलय्  हलिंन्यंकं रिलिज याःगु हाउडेया रिमिक्स म्येया भिडियोया निर्माण अमेरिकय्  जूगु खः।

चर्चित गायक बाबु बोगटीया गायन व ईश्वर थापाया संगीत अले नरु थापाया च्वसां पिदंगु थ्व म्येया म्युजिक भिडियो या मोडेल कथं लिडिङ रोलय् अमेरिकाय् हे च्वना वया च्वंम्ह अभिनेता जाङबु शेर्पां म्हितातःगु दुसाः जाङबुया हिरोइन्या रुपय् अमेरिकायाम्ह हे  मोडल मे फेरडीनन्दमय्जुं अभिनय यानातःगु दु ।

थुके विशेष अतिथि कलाकारया रुपय्  राजेश गुरुङ व कृश थापाया नं  अभिनय दुसाः शंभु मोक्तानया  छायाँकन अले धरमबीर लामाया कोरियोग्राफी व निमी शेर्पां  मेकअपया ज्या यानादीगु खः। सम्पादन व निर्देशन ईश्वर थापा थःम्हेसिनं याःगु थ्व म्येया म्युजिक भिडियो अमेरिकाया न्यूयोक शहरया थीथी थासय् खिचेयानातःगु दुसाः थुकिया न्ह्यब्वयाः म्ये कथं यानातःगु दु ।

Categorized in कला