nepal life

पहिचानया नितिं वामगठबन्धन (विचाः च्वसू)

नेवा: अनलाइन न्युज | २०७४ कार्तिक २४, शुक्रबार १६:४१:२९

–भि.एस. मन्दः

राष्ट्रियतायात खतरा लाइगु कथं संविधान संशोधन याके बिइमखु धकाः हालाजूपिं व चुनावी घोषणापत्रय् च्वःपिं एमाले नेतातय्गु न्ह्यपुया ताःचा वामगठबन्धनं चायेकाब्यूगु दु । छवाः न्ह्यः एमाले नेतातसें तयार याःगु पिडिएफ कपी छवाः लिपा वामगठबन्धनया नामं छापे जूगु घोषणापत्रय् हिलावंगु दु । आः एमालें नं संविधान संशोधनयात संवैधानिक प्रक्रिया हे खः धकाः धइगु खँयात स्वीकार याःगु दु ।

सशस्त्र जनयुद्ध यानाजूपिं माओवादीतय्त जिं बांलाक्क म्हस्यू, जिं जिम्मा काये धकाः गिरिजाप्रसाद कोइरालां अन्तर्राष्ट्रिय ख्यःया न्ह्यःने जिम्मा काःथें माओवादी केन्द्रय् नेतातसें संविधान संशोधनय् देय् विखण्डनय् विदेशी खेल दु धकाः ग्याःपिं एमाले नेतातय्गु विश्वास त्याकूगु खनेदूगु दु  ।

थःपिं पहिचानवादी धकाः धाःपिं दल व नेतातय्गु राज्यय् राजनीतिक हैसियत मदूगु व आन्दोलन नं सफल मजूगु थुगु अवस्थाय् थुगु परिघटना पहिचानया पक्षय् छगू सफलता खः । थुकिया लिसेलिसें देसय् दयाच्वंगु अविश्वासया वातावरण नं थुकिं बुलुहुँ चिलावनीगु व शान्ति सुब्यवस्था कायम यायेत नं ग्वाहालि जूवनीगु मनूतसें आशा याःगु दु ।

(थ्व विचाःयात कयाः थःगु प्रतिक्रिया छिं बियादी फइ । –सं.)

Categorized in बिचा: