nepal life

पं. निष्ठानन्दया १६१ क्वःगु बुदिंया लसताय् लसता ज्याझ्वः जुइगु

नेवा: अनलाइन न्युज – ललेन्द्र शाक्य | २०७४ कार्तिक २८, मंगलबार १३:४२:५६

ओलम्पस क्लबया लिधंसाय् निष्ठानन्द स्मृति गुथिया ग्वसालय् भाषाख्यःया ऐतिहासिक व्यक्तित्व गद्यगुरु पं. निष्ठानन्द बज्राचार्यया १६१ क्वःगु बुदिंया लसता हनेगु ज्याझ्वः जुइगु जूगु दु ।

थ्वहे वइगु ने.सं. ११३८ थिंलाथ्व चतुर्थी (मंसीर ६ गते) बुधवाः येँया ओमबहाः, नःबही निष्ठानन्दमार्गय् सुथसिया ८ ता इलय् उगु ज्याझ्वः जुइगु जानकारी ग्वसाः खलः निष्ठानन्द स्मृति गुथिं ब्यूगु दु ।

ओलम्पस क्लब ओमबहाःया नायः पवित्र बज्राचार्य व निष्ठानन्द स्मृति गुथि येँया नायः सुवर्ण शाक्यपिन्सं ब्वनातःगु उगु ज्याझ्वलय् लसकुसलिसें श्रद्धाञ्जलि देछा, मन्तुना व जलपानया ज्याझ्वः दूगु खँ ग्वसाः खलकं जानकारी ब्यूगु दु ।

Categorized in नेवाः