nepal life

नेविसंघं उपमेयर हरिप्रभायात ‘धू’ उपहार

नेवा: अनलाइन न्युज | २०७४ पौष २८, शुक्रबार १५:०३:४७

नेपाल विद्यार्थी संघ (नेविसंघं) येँ महानगरपालिकाया उपमेयर हरिप्रभा खड्गी श्रेष्ठयात ‘धू’ उपहार ब्यूगु दु ।

वसिबें न्ह्यः ‘धू’ नियन्त्रणया माग यासें येँया बागदरवारय् च्वंगु येँ महानगरपालिकाया मू ध्वाखाय् छघौ धर्ना च्वंगु खः । नेविसंघ येँ जिल्ला समितिया आह्वानय् प्रदर्शन याःपिं इमिसं दोहोरो कर अन्त्य यायेत नं माग याःगु दु ।

धर्ना लिपा मेयर विद्यासुन्दर शाक्ययात ‘धू’ लःल्हायेत वंगु खः । तर, मेयर शाक्य पिने वनाच्वंगुलिं उपमेयर हरिप्रभा खड्गी श्रेष्ठयात उगु ‘धू’ लःल्हाःगु नेविसंघ येँया नायः मनोज वैद्यं जानकारी ब्यूगु खः ।

वैद्यं धाःगु दु, “कलंकी, चक्रपथ, चाःबही व तीनकुनेय् पार्किङ यानातःगु गाडीइ मुनाच्वंगु ‘धू’ मुंकाः हयाः लःल्हानागु खः ।”

Categorized in स्थानिय-समाज