nepal life

नेवाः वस्ती नेवाः एफएम प्रतिभा अभियान शनिवाःनिसें

नेवा: अनलाइन न्युज – ललेन्द्र शाक्य | २०७४ कार्तिक २४, शुक्रबार १७:२८:११

नेवाः एफएम १०६.६ मेगाहर्जया संयोजनय् हलिं नेवाः गुथि थक्वाः कचा, हलिं नेवाः गुथि सोनितपुर कचा, हलिं नेवाः गुथि थानकोट कचा व श्री आदिनारायण भजन मण्डल थक्वाःया ग्वसालय् नेवाः वस्ती नेवाः एफएम प्रतिभा अभियान ज्याझ्वः कछलागा अस्तमि कन्हय् शनिवाःनिसें न्ह्याइगु जूगु दु ।

स्वनिगलय् दकले न्हापां वस्ती जूगु थक्वाः देय्या झ्यालं फल्चा लागाय् शनिवाः सुथय् ११ ता ईनिसें २ न्हिनय् २ ता ईतक नेवाः बस्ती नेवाः एफएम प्रतिभा अभियान ज्याझ्वः न्ह्याइगु जूगु दु । थुगु ज्याझ्वः नेवाः एफएम १०६.६ मेगाहर्जं प्रत्यक्ष प्रसारण याइगु जूगु दुसा हलिं न्यंकं च्वनाच्वंपिं नेपाःमिपिन्सं इन्टरनेटया माध्यमं newafm.com.npपाखें प्रत्यक्ष न्यनादीफइ ।

नेवाःतय्गु बस्ती बस्तीइ वनाः अनया स्थानीयबासीपिनिगु प्रतिभा न्ह्यब्वयेगु आज्जु कथं थक्वाःया साहित्यकारपिनिगु पाखें साहित्य पाठ, कलाकारपिनिगु पाखें सांस्कृतिक ब्वज्या जुइगु ज्याझ्वः तयातःगु दु कन्हय् शनिवाःया ज्याझ्वलय् ।

Image may contain: 2 people, hat and outdoor

अथेहे, स्थानीय थीथी ख्यःया विज्ञपिनिगु पाखें थक्वाःया ऐतिहासिक पक्षनिसें अनया समस्या न्ह्यब्वयेगु अभियान कथं उगु ज्याझ्वलय् दुथ्याकातःगु दु ।

नेवाः एफएम १०६.६ मेगाहर्जं थुगु अभियान लय् लय् पतिकं लिपांगु शनिवाः नेवाः बस्ती बस्तीइ वनाः न्ह्याकेगु जानकारी ब्यूगु दु ।

Categorized in नेवाः