nepal life

नेवाः जागरण मञ्च जापानं क्योटोय् परिचयात्मक नापलाये ज्या याइगु

नेवा: अनलाइन न्युज – ललेन्द्र शाक्य | २०७४ कार्तिक २७, सोमबार १६:१०:३९

जापानया कान्साई क्षेत्रय् च्वनाच्वंपिं नेपाःमिपिं दथुइ परिचयात्मक व नापलाये ज्याया ग्वसाः ग्वःगु दु ।

वर्ल्ड नेवाः अर्गनाइजेशन जापानया संयोजक व नेवाः जागरण मञ्च जापानया ग्वसालय् जुइगु उगु ज्याझ्वः वइगु ने.सं. ११३८ कछलागा द्वादसि (नोभेम्बर १५ तारिख) बुधवाः जापानया क्योटोय् जुइगु जूगु दु ।

नेपाःया थीथी जिल्लापाखें जापानया कान्साई क्षेत्रय् वयाः च्वनाच्वंपिं नेपाःमिपिनिगु थःथवय् सद्भावपूर्ण नापलाये ज्यालिसें म्हसीका व समसामयिक विषयस विचाः कालबिल यायेत उगु ज्याझ्वःया ग्वसाः ग्वःगु खँ नेवाः जागरण मञ्च जापानं जानकारी ब्यूगु दु ।

क्योटोया कावारामाचीइ च्वंगु हिमालय रेष्टुरेण्टय् सनिलया ५ ता इलंनिसें न्ह्याइगु उगु ज्याझ्वलय् जापानवासी नेपाःमिपिन्त उपस्थितिया नितिं ग्वसाः खलकं इनाप याःगु दु ।

Categorized in नेवाः