nepal life

नेवाः जागरण मञ्चया दुजःपिं जापान भ्रमण क्वचायेकाः नेपाः थ्यन

नेवा: अनलाइन न्युज – ललेन्द्र शाक्य | २०७४ माघ २८, आइतबार १४:०२:११

जापानया टोकियो शहरय् जूगु नेवाः नसाः नखः ११३८ य् ब्वति कायेत जापान झाःपिं नेवाः जागरण मञ्चया नायः सुजीव बज्राचार्य, मञ्चया संयोजन पुचःया दुजःपिं निरञ्जनरत्न शाक्य व मचाराजा महर्जन १५ न्हुया जापान भ्रमण क्वचायेकाः वंगु शुक्रवाः बहनी नेपाः थ्यंकूगु दु ।

थुगु भ्रमण पुचलं जापानय् जूगु नेवाः नसाः नखः ११३८ य् पाहाँ कथं ब्वति काःगु खःसा अथेहे, थीथी नेवाः संघसंस्थाया व्यक्तिपिं नापलायेगु ज्या जूगु खः ।

नेवाः जागरण मञ्च जापानया सल्लाहकार सुनिलकुमार शाक्यया ब्वनाय् उगु भ्रमण जूगु खः । भ्रमणया झ्वलय् गैरआवासीय नेपाली संघ (एनआरएन)या नायः भवन भट्टलिसे नापालायेगु ज्या जूगु खः ।

उगु नापलायेगु ज्याझ्वलय् एनआरएनपिनिगु पाखें तःभुखाय् लिपा पुनःनिर्माणया झ्वलय् येँया १८ वडा एकीकृत बस्ती पुनःनिर्माणया नितिं ग्वाहालि यायेमाःगु खँय् सहलह जूगु खः ।

Categorized in नेवाः