nepal life

नेपाल लाइफया उपशाखा झापाया चन्द्रगढीइ नं पलिस्था

नेवा: अनलाइन न्युज – ललेन्द्र शाक्य | २०७४ मङ्सिर ५, मंगलबार १२:०१:२७

नेपाल लाइफ इन्स्योरेन्स कम्पनी लिमिटेडं जीवन वीमाया बजाः बिस्तार यायेगु झ्वलय् थः सेवाग्राहीपिन्त गुणात्मक जीवन वीमा सेवा उपलब्ध याकेगु आज्जुं झापा जिल्लाया चन्द्रगढीइ पलिस्था याःगु उपशाखा ज्याकुथि श्री वीमा समितिया निवर्तमान कार्यकारी निर्देशक श्री श्रीमान कार्कीपाखें औपचारिक उलेज्या यानादीगु दु ।

उगु ज्याझ्वलय् मूपाहाँया आसनं सम्बोधन यानादिसें वीमा समितिया निवर्तकान कार्यकारी निर्देशक श्री श्रीमान कार्कीं जीवन वीमा क्षेत्रं छुं ईनिसें अर्थतन्त्रय् उत्साहजनक योगदान बियाः वयाच्वंगु व उगु क्षेत्रं बैंकिङ्ग क्षेत्रलिसे स्वस्थ प्रतिस्पर्धा व परिपुरक क्षेत्रया रुपं भूमिका निर्वाह यानाः वयाच्वंगु खँ धयादीगु दु । लिसें वय्कलं उपशाखा ज्याकुथिया पलिस्थां स्थानीय स्तरय् वीमितं सेवा प्राप्त याइगु व उकिं वीमा बजाःया विकासय् आपालं ग्वाहालि जुइगु खँ नं कनादीगु खः ।

ज्याझ्वलय् नुगःखँ तयेगु झ्वलय् प्रमुख कार्यकारी अधिकृत विवेक झा नं कम्पनीया बजाः विस्तार रणनीति अन्तर्गत चालु आर्थिक दँय् शाखा व उपशाखा ज्याकुथि विस्तारय् बः बियाः वयाच्वंगु व प्रतिस्पर्धात्मक लकस व अग्रणी कम्पनीया नातां वीमितया सर्वोपरि हितया नितिं माःगु मापदण्डत छु छु खः उगु विषयतय्के आम नागरिकपिन्त जागरुक यायेगु आज्जु तयागु खँ कनादिल ।

लिसें वय्कलं कम्पनीं अभिकर्तापिन्त समाजय् पलिस्था यायेत फक्व कुतः जूगु लिच्वः कथं आः वयाः कम्पनीया अभिकर्तापिं समाजया महत्वपूर्ण संवाहकया रुपं स्थापित जूगुलिं थःत गर्व जूगु खँ कनादिल । वय्कलं कम्पनीया द्वलंद्वः प्रतिबद्धता अभिकर्तापिं व कर्मचारीपिन्सं वीमितया सर्वोपरि हितयात ध्यानय् तयाः बीमितया प्रतिफल बृद्धि व दीगो व्यवसाय हासिल यायेगु पाखे ज्या यानाः वयाच्वंगुया लिच्व कम्पनीं थुगु क्षेत्रय् अग्रणी थासय् च्वनेत ताःलाःगु खँ कनादिल ।

कम्पनीं चालु आर्थिक दँ २०७४–०७५ या न्हापांगु त्रैमासिक अवधिइ कुल वीमाशुल्क आम्दानी थ्यंमथ्यं ३ अब ८० करोड जूगु दु ।

कम्पनीया खुद नाफा वंगु दँया वहे अवधिया तुलनाय् स्वंगू गुणां बृद्धि जुयाः थ्यंमथ्यं १९ करोड ७५ लख थ्यंगु खः ।

अथेहे, कम्पनीया जीवन वीमा कोषय् २६.४७ प्रतिशतं बृद्धि जुयाः थ्यंमथ्यं ४३.३६ अर्ब व कूल लगानी थ्यंमथ्यं ४०.५५ प्रतिशतं बृद्धि जुयाः थ्यंमथ्यं ५० अर्ब तका दांसिबें अप्वः हासिल याःगु दु ।

अथेहे, वीमितपिन्त ६५ निसें ८२ तकया सर्वाधिक बोनसदर प्रदान यानाः समग्र जीवन वीमा क्षेत्रय् अग्रणी थासय् च्वनेत ताःलाःगु दु धकाः कम्पनीया छ्याञ्जे ओमप्रकाश पुडासैनीं जानकारी बियादीगु दु ।

Categorized in बजाः