nepal life

नेपाल प्रहरीं दरखास्त आह्वान यात

नेवा: अनलाइन न्युज | २०७३ माघ २०, बिहिबार १३:२८:२६

नेपाल प्रहरी छकलं हे दुई हजार ६ सय ७८ जवान पदया नितिं दरखास्त आह्वान याःगु दु ।
प्रहरी प्रधान कार्यालय जनपद समुह पाखें एक हजार ६ सय ४५ व प्राविधिकपाखें एक हजार ३३ जना जवानया नितिं थौं बिहीबाः दरखास्त आह्वान याःगु खः ।
वइगु फागुन १ गते निसें ३० गते तक आवेदन बिइ फइगु प्रहरी प्रधान कार्यालय मानव स्रोत विकास विभाग भर्ना व छनौट शाखां न्ह्यथंगु दु ।
खुल्ला प्रतियोगिता पाखें समावेशी प्रावधान कथं प्रहरी हेड्क्वार्टरं आह्वान याःगु भर्ना सम्वन्धी सुचं कथं खुल्ला पाखे ८८७ म्ह, अमर प्रहरी पाखें ३३ म्ह, आदिवासी जनजाती पाखें २३२ म्ह, मधेशी २०३ म्ह मिसा १४५ म्ह,दलित १०८ म्ह व पिछडाक्षेत्र पाखें ३७ म्हया कोटा तयातःगु दु ।
दरखास्त आह्वानय् प्राविधिक समुहया सञ्चार पाखे दकलय् अप्वः ७१८ म्ह प्रहरी म्ह माग यानातःगु दु ।
मेकानिकल ईन्जिनीयरीङ व सवारी ९६म्ह, मेकानिकल विपत ब्यवस्थापनय् १८ म्ह, स्वास्थ्यय् २५ म्ह्, संगित पाखें ६१ म्ह, आवास व भौतिक ईन्जिनीयरिङ्गय् २२ म्ह, सुचना प्रविधी कम्युटर पाखे १७ म्ह लिसें थीथी पदया नितिं माग याःगु दु ।