nepal life

नेपाल आइडल क्वमचाःनि, जज न्ह्यू बज्राचार्य वन अमेरिका

नेवा: अनलाइन न्युज | २०७४ भाद्र ५, सोमबार १४:५७:५५

थुगु इलय् हलिंन्यंकं हे नेपाल आइडलया चर्चा परिचर्चा जुयाच्वंगु दु । देस बिदेशय् च्वनाच्वंपिं फुक्क नेपाःमिपिन्सं नेपाल आइडलयात अतिकं मतिना याःगु सीदूगु दु ।

आः नेपाल आइडल कासा चर्चाया शिखरय् थ्यंगु दु । तर छुं समाचार स्रोतया कथं उगु नेपाल आइडलया छम्ह जज न्ह्यू बज्राचार्य धाःसा नेपाल आइडल त्वःताः अमेरिका थ्यंकूगु दु ।

न्ह्यू बज्राचार्यं नेपाली संगीत क्षेत्रय् यानादीगु योगदानया नितिं एक्स्ट्रा अर्डनरी क्याटागोरीइ ग्रीनकार्ड कायेत ताःलाःगु जानकारी वःगु दु ।

आः बज्राचार्य थः सकल छेँजःया दुजःपिं लिसें अमेरिका थ्यंकूगु धाःगु दु ।

उच्च शिक्षाया नितिं अमेरिकाय् छम्ह सन्तानयात त्वःताः मेपिं छेँजःया दुजःपिं छुं दिनय् नेपाः लिहाँ वइगु बज्राचार्य लिक्क लाःगु स्रोतं धाःगु दु ।

Categorized in कला