nepal life

नेपाल–अफ्रिका फिल्म फेस्टिबल असोजय्

नेवा: अनलाइन न्युज – रत्न मन | २०७४ भाद्र २८, बुधबार १५:५४:३९

खुक्वःगु नेपाल–अफ्रिका फिल्म फेस्टिबल–२०१७ वइगु असोजय् जुइगु जूगु दु ।

कलेज अफ जर्नालिज्म एण्ड मास कम्युनिकेशन (सिजेएमसी)या ग्वसालय् असोज २ गतेनिसें ४ गतेतक फेस्टिबल जुइगु बुधवाः ग्वसाः ग्वःगु पत्रकार सम्मेलनय् उगु फेस्टिबलया प्रबन्ध निर्देशक डा. मञ्जु मिश्रं जानकारी बियादिल ।

वय्कलं अफ्रिका व नेपाः दथुइ सांस्कृतिक व पर्यटकीय कालबिलया लिसें निगू देय् दथुया स्वापू अझ क्वातुकेगु नितिं फेस्टिबल यायेत्यनागु खँ कनादिल ।

रुसी सांस्कृतिक केन्द्रय् जुइगु उगु फेस्टिबलय् नेपाः, युगाण्डा, रुवाण्डा, सेनेगल, भारतलिसें गुंगू देय सांस्कृतिक, सामाजिक परिवेशया जीवन भोगाइया गुंगू सर्ट मूभि क्यनीगु ग्वसाः ग्वःगु दु ।

Categorized in कला