nepal life

नेपालभाषाया बाखंया विषयस सहलह

नेवा: अनलाइन न्युज – विजयरत्न | २०७४ पौष २३, आइतबार १७:२९:१६

नेपालभाषाया साहित्य विधाय् छगू बाखं विधायात कयाः थौं आइतवाः छगू सहलह ज्याझ्वः जूगु दु ।

नेपालभाषा एकेदेमिया ग्वसालय् जूगु उगु सहलह ज्याझ्वलय् साहित्यविद् पूर्णकाजी ताम्राकारं ‘झीगु बाखं विधा छगू बौद्धिक सहलह’ विषयया मूखँ न्ह्यब्वयादीगु खः ।

यलया ज्यावला ख्यलय् च्वंगु तमकद्यः परिसरय् जूगु उगु सहलह ज्याझ्वः नेपालभाषा एकेदेमिया चान्सलर भाजु चित्तरञ्जन नेपालीया नायःसुइ न्ह्याःगु खः ।

नेपालभाषा एकेदेमिया आख्यान कवः मू ग्वसालय् जूगु आइतवाःया ज्याझ्वलय् उगु कवःया मय्जु शशीकला मानन्धरं बाखं च्वयेबलय् बिचाः यायेमाःगु मूखँयात कुलादीगु खः ।

एकेदेमिया मूछ्याञ्जे मल्ल के. सुन्दरं लसकुस यानादीगु उगु सहलह ज्याझ्वलय् राजा शाक्य, नरेशवीर शाक्य, शाक्य सुरेन, मेनुका तुलाधर, नारद बज्राचार्य, समान्त, शरद कसाःव महेशमान लँजुवाः, मीना बज्राचार्यया लिसेलिसें ५० म्ह बाखं च्वमिपिन्सं ब्वति काःगु खः ।

Categorized in नेवाः