nepal life

नेपालभाषाया प्यंगः थां मध्ये न्हापांगु नां निष्ठानन्द बज्राचार्य ( च्वसु )

नेवा: अनलाइन न्युज | २०७४ मङ्सिर ६, बुधबार १०:५७:०७

थिलाथ्व चौथि धाल धायेवं नेपाल भाषा ख्यलय् नं गद्यगुरु पण्डित निष्ठानन्द बज्राचार्य बुन्हि धकाः लुमनी । नेपालभाषाया प्यंगः थां मध्ये न्हापांगु नां निष्ठानन्द बज्राचार्यया हे वइ ।
पुलांगु परम्परागत नेपालभाषा साहित्य दु । उबलय् परम्परागत साहित्य भाय् हिलेगु व सफू ल्ह्यया आयोग जक मखु, स्वयं थःनिसें नं नेपालभाष साहित्य रचना यायेगु ज्या जू । तर थ्व कालखण्ड लिपा बलुहु“ दिना व सुना वनेत्यंगु नेपालभाषा साहित्यया परम्परायात गद्यगुरु पण्डित निष्ठानन्द बज्राचार्य, सिद्धिदास महाजु, मास्टर जगत सुन्दर मल्ल व योगविरसिं कसाःजुं ल्ह्ययाः नेपालभाषा आधुनिक साहित्य व नितिं जग तयाविल । अथेहे जूगुलिं कविकेशरी चित्तधर हृदयजुं जीवनी व भ्वसु विकसंसे पिथनादिल अले वय्कपिन्त नेपालभाषा साहित्य प्यंगः थां धकाः च्वनादिल ।

नेपाल भाषाया आधुनिक थाना आखलं पिदंगु न्हापागुं सफू ‘एकविशंति प्रज्ञा पारमिता’ खः । थ्व गद्यगुरु खः । थुकथं वय्कःया योगदानयात साहित्य रचनाय् जक सीमित यानाः मगाः, नेपालभाषां थाना आखः  अर्थात टाइप आखः छ्यलाः छापाखानाय् छाये यानाः सफु पिथनेगु ज्याय् नं वय्कः सुरुवात कर्ता खः । व नं वय्कलं भारतय् यंकाः थःगु सफू पिथनादीगु मुखसें भारतं टाइप आखः न्यानाहयाः थःम्हं हे ज्यानाः कन्तुर ‘प्रेस’ यानाः पिथनादीगु खः । थथेहे छगू सफुति वय्कःयात नेपाःया वैज्ञानिक घलखय् जीवनी पिथनातःगु दु ।
बुद्धया जीवन चरित्रया ‘ललित विस्तर’ वय्कलं नेपालभाषां च्वयाः पिथनादिल थ्व पिथनादीगु इलय् वय्कलं परम्परागत नेपालभाषां च्वयेगु पद्धतियात त्वःता गथे न्ववायेगु खः अथेहे च्वयादिल धाःसा आखः नं देवनागरी लिपिहे छ्यलादिल । वय्कलं थथे याः बलय् नेपालभाषां च्वयेत व व्वनेत मनूत विद्धान वा पण्डित गुरु जुयाच्वने म्वाल । धर्मया ख“ नं थःगुहे छे“य् च्वनाः व्वनाः स्वयेदत । थुकिं नेपालभाषाया साहित्ययात अःपुकेत नं तःधंगु योगदान जू वन ।

पं निष्ठानन्द बज्राचार्य बाखं कनिम्ह गुरुजू खः । अले ‘ललित विस्तर’ महायानी धर्मग्रन्थय् बुद्ध जीवनी व शिक्षाया छगू तःधंगु धुकू खः । थुज्वःगु धुकू वय्कल थःगुहे भाषां पिथनाः भाषा, साहित्य व धर्मया संगम नं यानादिल । उलिजक मखु, थाना आखलं पिथनाः छगू न्हूगु क्रान्ति नं यानादिल ।
पंडित निष्ठानन्द बज्राचार्यया जन्म ने।सं। ९७८ थिंलाथ्व ४ खुन्हु अबु योगानन्द व मां थकुमति पाखें येँया ओमबाहाः त्वालय् जूगु खः । वय्कः ने।सं १०५५ स मन्त । ओमबाहाः त्वाःया नःवहिली झ्वाता तयाः वय्कःया सम्मान यानातःगु दु धाःसा उगु ल“पुया नां नं निष्ठानन्द मार्गपाखें छुनातःगु दु । निष्ठानन्द गुथिपाखें दँय्दसं थिंलाथ्व चतुर्थी वय्कःबुदिंया न्हिं यात लुमंका ज्याझ्वः नं यानावयाच्वंगु दु ।  – मन्दं

( थौं प.निष्ठानन्द बज्राचार्यया  १६१ क्वःगु बुदिंया लसताय नेवाः अनलाइनया फाइल च्वसु )

Categorized in बिचा: