nepal life

नेपालं टस त्याकल, क्यानाडां ब्याटिङ याइगु

नेवा: अनलाइन न्युज | २०७४ फाल्गुण २, बुधबार १३:१७:४६

विश्व क्रिकेट लिग डिभिजनय् क्यानाडाविरुद्ध नेपालं टस त्याकूगु दु व फिल्डिङ ल्यःगु दु ।

थःथवय् म्हितीबलय् निगुलिं पुचः ‘गर या मर’या अवस्थाय् भिडन्त जुइ ।

जित हासिल याइगु पुचलं जिम्बाबेय् मेगु महिना जुइगु विश्वकप छनोट कासा म्हितेखनी । बुत धाःसा थुगु म्हगस ब्यर्थ जुइ ।

अंक तालिकाय् शीर्ष स्थानय् दूगु क्यानाडाविरुद्ध जित पिकायेत नेपाःयात अःपु मजू । भारत, पाकिस्तान व श्रीलंकाया कासामिपिन्सं जाःगु क्यानाडाया ब्याटिङ सशक्त दुसा नेपाःया बलिङ ।

फ्रेस पिचय् म्हितकीगु थौं बुधवाःया कासाय् न्ह्याम्हेस्यां टस त्याकूसां नं न्हापां फिल्डिङ ल्ययेगु सम्भावना दु । नेपालं टस त्याकूगु स्वंगुलिं कासाय् न्हापां फिल्डिङ ल्यःगु खः । टस बुकाः न्हापां ब्याटिङ याःम्ह ओमानविरुद्ध बूगु खः ।

विपक्षीयात म्हो जक योगफलय् कःघाःगु व ब्याट्सम्यानतसें बुलुहुँ रन मुंकूसें लक्ष्य तक थ्यंकेगु नेपाःया स्टाइल खः ।

Categorized in कासा