nepal life

नेपाःया छुर्पी अमेरिकी खिचाया आहारा

नेवा: अनलाइन न्युज | २०७४ पौष १३, बिहिबार १०:४७:२७

खिचाया आहाराया नितिं अमेरिकी नागरिकपिन्सं थीथी देसं छुर्पी दुकायेगु यानाच्वंगु दु । तर, नेपाली छुर्पी अमेरिकाय् लहिनातःपिं खिचातसें येकेधुंकाः नेपाली छुर्पीं अमेरिकाय् थःगु ब्राण्ड दयेकेगु ज्या न्ह्याकाच्वंगु दु ।

दुरु उत्पादनय् आत्मनिर्भर जुयाः वनाच्वंगु इलामय् दुरुपाखें दयेकीगु परिकारया माग नं दँय् दसं अप्वयाः वनाच्वंगु दु ।

खिचाया आहाराया नितिं छुर्पी अमेरिकातक निर्यात जुइधुंकाः भाः कायेखंगु नेपाली छुर्पीं माग धाने याये फयाच्वंगु मदु । इलामया थीथी गांया गोठपाखें छुर्पी मुंकाः वयाच्वंम्ह जमुना राई नं अनया छुर्पी पोषिलो व साःगु जूगु हुनिं माग दँय् दसं अप्वयाच्वंगु धयादीगु दु ।

(थौं ने.सं. ११३८ पुस १३ गते बिहिवाः गोरखापत्र न्हिपती पिदंगु बुखँ)

Categorized in पत्रपत्रिका