nepal life

नीप्यघौ ई मपुवं हे साउदीइ हाकनं मेम्ह राजकुमार मन्त

नेवा: अनलाइन न्युज | २०७४ कार्तिक २१, मंगलबार १४:४८:४४

साउदी अरबय् वंगु नीप्यघौया दुने हाकनं मेम्ह राजकुमारया मृत्यु जूगु खबर वःगु दु ।

खबर कथं जुजु फरदया दकले चीधिकःम्ह काय् राजकुमार अब्दुल अजीजया मृत्यु जूगु खः ।

४४ दँया राजकुमार अब्दुल अजीजयात छुं न्ह्यः भ्रष्टाचारया द्वपनय् गिरफ्तार याःगु खः । मिडिया कथं थः गिरफ्तार जूगुलि विरोध यायेगु झ्वलय् राजकुमारया मृत्यु जूगु खः ।

आः नकतिनि जक पूर्व क्राउन प्रिन्स मुकरीन अल सउदया काय् मनसौर बिन मुकरीनया हेलिकोप्टर दुर्घटनाय् मृत्यु जूगु खः । गुकिया हुनिं आःतक नं रहस्यमय हे जुयाच्वंगु दु ।

राजकुमार मनसौर बिन मुकरीनया मृत्यु जूगु नीप्यघौ ई मपुइवं हे साउदी अरबं हाकनं मेम्ह राजकुमार गुमेयाःगु दु । घटनाया पूवंक विवरण धाःसा आःतक नं खुलासा याःगु मदुनि ।

Categorized in अन्तर्राष्ट्रिय