nepal life

नागा बाबातय्गु पाखें जुइगु अश्लिलता दिकेगु माग यासें रिट निवेदन दायर

नेवा: अनलाइन न्युज | २०७४ माघ २८, आइतबार २१:५१:०८

सर्वोच्च अदालतय् शिवरात्रि पर्वय् धर्मका नामय् नागा बाबातय्गु पाखें जुइगु अश्लिलता दिकेमाःगु माग यासें रिट निवेदन दायर याःगु दु ।

अधिवक्ता यज्ञमूर्ति न्यौपाने थौं मन्त्रिपरिषद्या कार्यालय, गृह मन्त्रालय, संस्कृति, पर्यटन तथा नागरिक उड्डयन मन्त्रालय, पशुपति क्षेत्र विकास कोषलगायतयात विपक्षी दयेका दायर याःगु निवेदनय् उगु माग याःगु खः ।

रिट निवेदनय् धयातःगु दु – “शिवरात्रिइ सीमापार पाखें ध्यवा खर्च यानाः नेपालय् नागा बाबा हयेगु व अश्लिलता प्रदर्शन याकेगु ज्या मिसा व मस्ततय्त गम्भीर मानसिक असर लाइगु, व थ्व नेपाःया संविधानविपरीत ज्या जुगुलिं थुकियात दिकेमाः।”

निवेदनय् नेपाःया रुढीवादी परम्परायात मान्यता लिसें सन्तान मदुपिं मिसातय्त शिव लिङ्गय् न्याकेगु व थथे यात धाःसा सन्तान दइगु थे
 जाःगु कुरीतियात कानूनीरुपमा बन्देज याये माःगु, भाङ, धतुरो त्वनाः मिसा व मस्ततय्त याइगु थुकथंया विकृति दिकेत आदेशया माग याःगु खः ।

Categorized in स्थानिय-समाज