nepal life

धरानय् माकः नं यंकल बम !

नेवा: अनलाइन न्युज | २०७४ मङ्सिर २०, बुधबार १२:५६:१३

धरान–धनकुटा सतक अन्तर्गत धरानया सानिमा बैंकया न्ह्यःने बम लुयावयेधुंकाः प्रहरीं नेपाली सेनाया बम डिस्पोजल पुचःयात खबर याःगु खः ।

चान्हय् १२ ता इलय् हे तयातःगु बम नेपाली सेना व प्रहरीया पुचलं सुथय् डिस्पोज यायेगु तयारी यानाच्वंगु इलय् छम्ह माकः वयाः उगु बम ज्वनाः बिस्युं वंगु खःसा सेना व प्रहरी अजू चाःगु खः ।

माकलं यंकूगु बम मामां वंबलय् ‘जितः नागरिकता माः, नागरिकता मब्यूसा धरान बजार न्यंकं बम मुइकाः बिइ व ध्वस्त यानाबिइ’ धकाः च्वयातःगु भ्वँ व छुं शंकास्पद बस्तु लुयावःगु इलाका प्रहरी ज्याकुथि धरानया डिएसपी रामेश्वर पौडेलं धाःगु दु ।

धरानय् बम आतंक अप्वयाः वयेधुंकाः प्रहरी व नेपाली सेनां सुरक्षा सतर्कता अप्वयेकूगु दु ।

Categorized in दुर्घटना-अपराध