nepal life

दुबई वनाः बेनिशां लितबिल थःत ब्यूगु ट्रफी

नेवा: अनलाइन न्युज | २०७४ मङ्सिर २०, बुधबार १४:०९:०३

“कमसे कम अवार्डया इज्जत ला तयेनु ।”

नांजाःम्ह मोडल व नायिका बेनिशा हमालं नकतिनि दुबईलय् क्वचाःगु म्यूजिक भिडियो अवार्डय् त्याकूगु ट्रफी लितब्यूगु दु । पपुलर अभिनेत्रीया अवार्ड त्याकेत ताःलाःम्ह बेनिशा हमालं उगु अवार्डया ट्रफी ग्वसाः खलः दुजःयात हे लितब्यूगु दु ।

थः पपुलर अभिनेत्री मखुगु धासें बेनिशां अवार्डया भागिदारी मेपिं जूगु धाःगु दु । बेनिशां धाःगु दु, “अवार्ड सुनां कायेमाःगु खः वं काये खनेमाः ।”

नेपाली म्यूजिक भिडियोय् उत्कृष्ट अभिनय कला दुम्ह बेनिशा हमाल म्यूजिक भिडियो मोडलया विधाय् नं नोमिनेशनय् लाःगु खः । तर व विधाया अवार्ड नम्रता सापकोटां त्याकूगु खः । नम्रतायात बधाई तकं बियागु बेनिशां धाःगु दु । तर, ग्वसाः खलकं थःत लितबियागु ट्रफी ज्वंकूगु बेनिशां धाःगु दु ।

कायेधुंकूगु अवार्ड लितबिइत छाय् वन ले बेनिशा दुबई ?

बेनिशां धाःगु दु, ‘जितः छुं नं विधाय् अवार्ड मब्यूसां ज्यू । गुुगु विधाय् बिल, व विधाय् जिं थःत अवार्डया भागिदार कथं मकयानि ।’

फुक्कसित लयेतायेकेत अवार्ड हे बिइमाः धैगु मान्यता त्याग यायेमाःगु धासें बेनिशां धयादी, “कमसे कम अवार्डया इज्जत ला तयेनु ।”

विदेशय् ग्वसाः ग्वइगु फुक्क धैथें अवार्ड कायेमखनीगु म्हो व कायेखनीगु अप्वः जुइ । दुबईलय् क्वचाःगु म्यूजिक भिडियो अवार्डय् नं थ्व चलनं निरन्तरता काःगु जुल ।

Categorized in कला