nepal life

थौंनिसें न्ह्यात साफ यु–१५ कासा नेपालय्

नेवा: अनलाइन न्युज | २०७४ भाद्र २, शुक्रबार १३:४७:३६

नेपालय् जुइत्यंगु साफ यु–१५ च्याम्पियनसिप थौंनिसें न्ह्याःगु दु । प्रशिक्षक सुनिल श्रेष्ठं शुक्रवाःनिसें न्ह्याइगु उगु साफ यु–१५ च्याम्पयनसिपय् नेपाःया न्हापांगु आज्जु सेमिफाइनलय् दुहां वनेगु जूगु धयादीगु दु ।

घरेलु मैदानय् जुइत्यंगु कासाय् उपाधि त्याकेमाःगु दबाबयात सामना यासें पुचलं थःगु आज्जु हासिल याइगु प्रशिक्षक श्रेष्ठं धयादीगु दु । कासाया समूह ‘बी’इ लाःगु नेपालं भारत व माल्दिभ्सलिसें प्रतिस्पर्धा याइगु जूगु दु ।

नेपालं न्हापांगु कासा माल्दिभ्सलिसे अगस्ट २१ व भारतलिसे अगस्ट २३ स म्हितीगु जूगु दु । १० न्हुया उगु कासाया उलेज्या कासाय् शुक्रवाः बंगलादेश व श्रीलंका म्हितीगु जूगु दु ।

नेपाली पुचः दुने अन्जल महर्जन, रोहित कार्की, रोशन दोङ, दीपक भण्डारी, संजय अर्याल, नीरज चौधरी, रन्दिप पौडेल, रोशन रानामगर (कप्तान), बिपिन थापामगर, अविशेख श्रेष्ठ, बृजेश चौधरी, रञ्जन पुन, असीम गुरुङ, दर्शन गुरुङ, कार्लोस बखरिया, विशाल सुनार, सौगात खवास, आकाश बुढाथोकी, शिशिर लेखी, रोशन थापा, सुवास कार्की, निशान रावल व अशोक किङरिङ दु ।

Categorized in कासा