nepal life

ताइवान भुखाचय् सीपिनिगु ल्याः १७ म्ह थ्यन

नेवा: अनलाइन न्युज | २०७४ माघ २९, सोमबार १४:१६:४७

ताइवानय् ब्वःगु तःभुखाचय् लानाः सीपिनिगु ल्याः १७ म्ह थ्यंगु ताइवानया हुआलेन राज्यया अधिकारीपिन्सं आइतवाः जानकारी ब्यूगु दु ।

ताइवानय् वंगु मंगलवाः चान्हय् ६.५ म्याग्निच्यूडया भुखाय् ब्वःगु खः । भुखाचं लिच्वः लाःपिन्त ग्वाहालि, उद्धार व मालेगु ज्या जुयाच्वंगु अधिकारीपिन्सं धाःगु दु ।

मालेगु ज्याय् खटे जूपिं अधिकारीपिन्सं मालेगु ज्या अतिकं थाकुयाच्वंगु धाःगु दु ।

आःतक सीपिं १७ म्हमध्य गुम्ह चिनियाँ नागरिक लाःगु दुसा न्याम्ह ताइवानीज हे लाःगु दु । अथेहे, छम्ह फिलिपिनियो व निम्ह क्यानडाली लाःगु अधिकारीपिन्सं जानकारी ब्यूगु दु ।

भुखाचय् लानाः मुक्कं २८५ म्ह घाःपाः जूगु दु । इपिमध्य गुलिंसिगु थीथी अस्पतालय् वासः जुयाच्वंगु दुसा सुं सुं घाःपाः जूपिं अस्पतालं लिहाँ वनेधुंकूगु दु ।

Categorized in अन्तर्राष्ट्रिय