nepal life

डिस्कोय् ल्वापु याःगु द्वपनय् सई गिरफ्तार

नेवा: अनलाइन न्युज | २०७४ फाल्गुण २, बुधबार १६:१७:०२

मादक पदार्थ सेवन यानाः डान्स क्लबय् ल्वापु याःगु द्वपनय् महानगरीय प्रहरी वृत्त जनसेवाय् ज्या यानाच्वंम्ह प्रहरी नायव निरीक्षक (सई) राजुकुमार श्रेष्ठयात प्रहरीं गिरफ्तार याःगु दु ।

बुधवाः सुथय् १ ता ईपाखे मादक पदार्थ सेवन यानाः सादा पोशाखय् येँया दरबारमार्गय् च्वंगु ‘आई क्लब’य् दुहाँ वंम्ह सई श्रेष्ठं क्लब संचालक व अन च्वंपिं मेमेपिं मनूतलिसे ल्वापु याःगु लिसें होहल्ला याःगु खः ।

उगु झ्वलय् सई श्रेष्ठं ल्वाभःतकं प्रदर्शन याःगु द्वपं ब्यूगु दु ।

सई श्रेष्ठयात महानगरीय प्रहरी वृत्त दरबारमार्गया प्रहरी पुचलं नियन्त्रणय् कयाः अनुसन्धान न्ह्याकूगु येँ महानगरीय प्रहरी परिसरया प्रमुख बरिष्ठ उपरीक्षक विश्वराज पोखरेलं जानकारी बियादीगु दु ।

Categorized in दुर्घटना-अपराध