nepal life

डा. केसीया बहस बुधवाः जक, प्रहरी हिरासतय् हे तइगु डा. केसीयात

नेवा: अनलाइन न्युज | २०७४ पौष २५, मंगलबार १७:४१:२०

त्रिवि शिक्षण अस्पतालया प्रा.डा. गोविन्द केसीविरुद्ध लाःगु अदालतया अवहेलना मुद्दाय् मंगलवाः बहस जुइमफुत ।

सर्वोच्चया आदेश लिपा गिरफ्तारय् लाःम्ह डा. केसीयात मंगलवाः सुथय् ९ ता इलय् हे अदालतय् उपस्थित याकूगु खः । न्यायाधीशपिं ओमप्रकाश मिश्र व केदारप्रसाद चालिसेया मंकाः इजलासय् पेसी क्वःछ्यूगु खः ।

तर, मंगलवाः डा. केसीया बयान जक क्वचाःगु दु । बयानया झ्वलय् डा. केसीं थःम्हं मखुसे प्रधानन्यायाधीश गोपाल पराजुलीं अदालतया अवहेलना याःगु धासें पराजुलीयात कयाः छानविन यायेत माग याःगु दु ।

अधिवक्ता ओमप्रकाश अर्यालया कथं बेञ्च बुधवाःया नितिं लिछ्याःगु दु । डा. केसी मंगलवाः नं प्रहरी हिरासतय् हे तइगु जूगु दु ।

सोमवाः बहनी अनसन च्वनाच्वंगु थासं गिरफ्तार याःम्ह डा. केसीयात सिंहदरबार प्रहरी बृत्तय् तयातःगु खः ।

Categorized in राजनीति