nepal life

झीगु भाय छाय् बुलुयावन ? (चिनाखँ)

च्वमि ः बिनिता खड्गी

झीगु भाय छाय् बुलुया च्वन
थ्वला झीगु म्हसीका ल्वःमंकाच्वन
धालधाल वं जि नेपाःमि
तर वं ल्वमंकल जि नेवाःज्याकःमि

सःताःहल लिक्कवया नेवाःया कायमचां
यःमां जिला वनेत्यल परदेश, देय्त्वःताः
थ्व हे जुल थःगु भाषा न्हनावनीगु छगू सुचं
थ्व हे जुल थःगु म्हसीका न्हनावनीगु छगू सुचं ।

नेपाःया नेवाः पुस्ता
नेपाःया नेवाःयुवा पुस्ता
वन रे बाबा थःगु देय् त्वःताः
वन रे बाबा थःगु म्हसीका त्वःताः //

बनजंगल हिति देय् फल्चा न्हनाःवन
झीगु मनया आज्जु तनाःवन
लुमंके वहःगु झीगु संस्कृति तजिलजि
गथे गथे बुलुहँ तनाःवन //

झीगु थःगु हे मौलिक संस्कृति
झीगु थःगु हे तजिलजि
झीगु थःगु हे भाषा साहित्य
सम्पदा अलय् थीथी विविधता //

जूगजूग दतलय्
चन्द्र सूर्य दतले
नेपाःया अस्तित्व व सभ्यता
झीगु भाषा साहित्य दतल्य //

मचाखाचा बुढाबुढी जुतले
सिमा कचा सदां सदां दतले
झीगु भाषा झीगु साहित्य दयाच्वनी
झीगु नुगलय् नेवाःभाय् ल्यनाच्वनी //

सःताहचि परदेशया नेवाःनुगःपिं
कनाःहचि नेवाःया चिनाखँपिं
थःगु मौलिकता जातजाति
थगु भाषा साहित्य व संस्कृति //