nepal life

झिक्वःगु मंगल खेलकूद सप्ताह बुधवाःनिसें जुइगु

नेवा: अनलाइन न्युज | २०७४ पौष २५, मंगलबार १७:०९:४३

झिक्वःगु मंगल खेलकूद सप्ताह पुस २६ गते बुधवाःनिसें न्यान्हुतक मंगल मा.वि.या प्रागंणय् जुइगु जूगु दु ।

थुगु खेलकुद सप्ताहया मूपाहाँ युवा तथा खेलकुद मन्त्री राजेन्द्र कुमार के.सी जुयादीगु जूगु दुसा विशेष पाहाँ कथं ३ नम्बर प्रदेशसभा दुजः क्षेत्र नम्बर १० या पुकार महर्जन, अथेहे किपू नगरपालिकाया मेयर रमेश महर्जनपिं जुयादीगु जूगु दु ।

अथेहे पाहाँ कथं क्याम्पस व्यवस्थापन समिति दुजःपिं प्रा.डा. बालकृष्ण श्रेष्ठ, प्रा. विजय बहादुर सिलवाल, सह प्रा. अङ्गदमणी गौतम, उप प्रा. गंगा भण्डारी, उप प्रा. सिद्धिबहादुर महर्जन, श्रीराम महर्जन, रविन्द्रबहादुर प्रधान व विद्यालय व्यवस्थापन समिति नायः अमन महर्जनपिं झाइगु जूगु दु । अथेहे विद्यालय व्यवस्थापन समिति दुजःपिं गणेश प्रसाद उपाध्याय, कौसिला कोइराला, मिना कुमाल, यशोदा श्रेष्ठ, चिनिकाजी महर्जनपिं नं पाहाँ कथं झाइगु ग्वसाः खलकं जानकारी ब्यूगु दु ।

ज्याझ्वःया उलेज्या युवा तथा खेलकुद मन्त्री राजेन्द्र कुमार केसीं बल लःल्हानाः जुइगु जानकारी ब्यूगु दु ।

उलेज्या दिं बुधवाः ७ ताः इलंनिसें न्ह्याइगु कासाय् बास्केट बल, भलिबल, फुटसल कासाय् प्लस टु, ब्यालचरया अन्तर संकाय व कक्षागत रुपय् धेँधेँबल्लाः कासा जुइत्यंगु खः ।

अथेहे कासाय् मूपाहाँ पाखें १०० मिटर ब्वाःकासाः उलेज्या यानाः न्ह्याइगु जूगु दुसा कासा न्यान्हुयंक न्ह्याइगु जानकारी शिक्षक रक्की महर्जनं बियादीगु दु ।

–रीदेन महर्जन

Categorized in कासा