nepal life

छघौया दुने ९ लख कमे याइम्ह मिसा

नेवा: अनलाइन न्युज | २०७४ कार्तिक २३, बिहिबार १५:१८:५८

मनूतसें न्हिथं ९ घण्टा ज्या यानाः लच्छि ईया तलब कायेगु याइ । तर छम्ह मिसां छघौ जक ज्या यानाः ९ लख तका दां मुंकाः छेँय् वनेगु यानाच्वंगु दु ।

वास्तवय्, अष्ट्रेलियाय् अनलाइन गेमया आपालं तःधंगु ल्याखय् कारोबार जुयाच्वंगु दु । थ्व गेमत मार्केटय् थ्यने न्ह्यः उकियात आपालं स्तरय् परिक्षण यायेगु याइ ।

अष्ट्रेलियाया छम्ह मिसा चेल्सिया न्हूगु गेमतय्के गल्तीत लुइकेगु ज्याय् माहिर जू । चीधिकःगु उमेर निसें हे गेम म्हितेगुलि माहिर जूगुलिं वं उकियात हे थःगु करियर दयेकूगु खः ।

गेम दयेकीगु कम्पनीं सःते धुंकाः इमिगु अफिस वनेगु याइ । अन वं छघौ जक उगु गेम म्हितूगु बापत ९ लख कायेगु यानाच्वंगु दु ।

चेल्सियां गेम म्हिताः उगु गेमया गल्तीत लुइकेगु याइ । वधुंकाः कम्पनीं हाकनं उकिया सुधार यानाः मार्केटय् लञ्च यायेगु याइ ।

उकिया पलेसा चेल्सियां आपालं बांलाक्क गेम म्हितेगु याइ कि वयात स्वयेगु नितिं हे मनूतय्गु तःधंगु भीड जुइगु जुयाच्वंगु दु ।

थ्वहे तरिकां चेल्सियां निगू ब्यागलं तरिकां दां कमेयायेगु यानाच्वंगु दु । छगू गेमया गल्ती लुइकेगु व मेगु धाःसा मनूत दां पुलाः चेल्सियां गेम म्हितूगु स्वयेत वइगु खः ।

Categorized in अन्तर्राष्ट्रिय