nepal life

चुनाव वल, दिक्क जुल !!! (चिनाखँँ)

तीर्थ महर्जन

बागबजाः येँ

चुनाव वल हाकनं भोट फ्वंवल
झीगु त्वाःत्वालय्
न्हापायागु आश्वासन हे पुमवंकुसे
हाकनं भाषन ब्यू वल ।

गनं जक वइगु खः
चुनाव ल्वायेत धेबा उलिमछि इमिके
न्ह्याथाय् वंसा स्वांमाः क्वखायेकेत धेबा इनाच्वन स्वरे ।।

चप्पल न्ह्यानावःम्ह छम्ह
स्वनिगलं पिनेच्वंम्ह मनुखं
मंचय् च्वनाः भाषण यानाः
देसया योजना दयेका च्वन स्वरे ।।

‘खी तुचा दाःथें’
गुलिजक पार्टीया नेता कार्यकर्तात जन्म जूगु
थन जनतां सुयात विस्वास यायेगु
जनता दोधालय् लानाच्वन स्वरे ।।

भ्रष्टाचारी, घुसखोरीं यानाः
जनता थन दनांः दनेमफया च्वन
देसया धुकू दक्व स्वाहांः यानाः
थःगु प्वाःजक जायेका च्वन स्वरे ।।

आखः ब्वनातःपिं दक्व
विदेशी सहरय् धेबा कमे याः वनाच्वन
ज्याख्यय् मजूपिं बुरा नेतातय्सं
लाक्वपाक्व देस चले यानाच्वन स्वरे ।।