nepal life

चुनाव न्ह्यःने देउवाया एक्सन ः प्रचण्ड सरकारं याःगु राष्ट्रिय गौरवया निर्णय खारेज

नेवा: अनलाइन न्युज | २०७४ कार्तिक २७, सोमबार १२:५९:४२

प्रधानमन्त्री शेरबहादुर नेतृत्वया सरकारं निर्वाचन लिक्क पुष्पकमल दाहाल प्रचण्ड नेतृत्वया सरकारं याःगु महत्वं जाःगु निर्णय उल्टे याःगु दु ।

देउवा सरकारं राष्ट्रिय गौरवया बुढीगण्डकी जलविद्युत आयोजना निर्माण चिनियाँ कम्पनीयात बिइगु प्रचण्ड नेतृत्वया सरकारं याःगु निर्णय सोमवाः खारेज याःगु दु प्रम देउवां । व्यवस्थापिका संसदया थीथी संसदीय समितिया निर्देशन कथं धासें सरकारं पूर्ववर्ति सरकारया हे निर्णय खारेज याःगु खः ।

उर्जामन्त्री कमल थापां मन्त्रिपरिषद् बैठकया निर्णय बारे ट्वीटरपाखें जानकारी ब्यूगु खः । थापां च्वयादीगु दु, ‘अनियमित व हचुवा ढंग गेजुवा ग्रुपलिसे याःगु बुढ गण्डकी जलविद्युत आयोजनाया सम्झौता संसदीय समितिया निर्देशन कथं थौं च्वंगु मन्त्रिपरिषद बैठकं खारेज याःगु दु ।’

माओवादी केन्द्रया नायः प्रचण्ड प्रधानमन्त्री व जनार्दन शर्मा उर्जामन्त्री जूगु इलय् बुढी गण्डकी जलविद्युत आयोजना चिनियाँ कम्पनी गेजुवा ग्रुपयात बिइगु निर्णय याःगु खः । उगु सम्झौताया नयाँ शक्ति नेपाल पार्टीया संयोकज पूर्वप्रधानमन्त्री डा. बाबुराम भट्टराई नं तच्वकं विरोध यासें वयाच्वंगु खः ।

Categorized in राजनीति