nepal life

चुनाव क्वचाल, आः छु यायेगु ?

नेवा: अनलाइन न्युज | २०७४ मङ्सिर २६, मंगलबार १७:५१:१३

–मन्दः

तर, थथे धयाः थ्वहे खँय् जक अडिग जुयाच्वन धाःसा थुगु संविधानपाखें प्राप्त जूगु अधिकारयात नं छ्यले फइमखु । थ्व यथास्थितियात थुइकाः संविधानं बियातःगु अधिकारकथं भाषिक अधिकार, जातिय अधिकार व स्वंगू तहया सरकारयात बियातःगु अधिकारयात सदुपयोग यानाः वनेमाःगु खनेदु ।

नेपाःया न्हूगु संविधान कथं स्वंगू तहया सरकारया चुनाव क्वचाःगु दु । स्थानीय तह, प्रदेशसभा व प्रतिनिधिसभाया क्वचाःगु चुनावं जनताया अभिमत छु खः धैगु प्रष्ट क्यनाब्यूगु दु । स्वंगू तहया सरकारया चुनावय् बामपन्थी शक्तियात अग्रस्थानय् जनतां तःगु दु । थ्व ल्याखं स्वयेगु खःसा बामपन्थी शक्तियात हे गुकथं फु उकथं नेवाःतसें थःगु हक अधिकारया लिसें आःतक नेवाः आन्दोलनपाखें प्राप्त जूगु सीमित अधिकार व २०२२ सालनिसें गुनुगुनुं च्यानाच्वंगु नेवाः आन्दोलनया मागयात सम्बोधन गुकथं याकेगु धैगु खँय् समग्र च्यूताः कयाः न्ह्याः वनेमाःगु खनेदःवःगु दु ।

नेपाःया न्हूगु संविधान लागू जुइधुंकाः स्वाभाविक रुपं नेपाली जनताया न्ह्यःने गुकी झी नेवाःत नं थ्वहे संविधान दुने लाःगु दु । थ्व संविधान पूर्णरुपं नेपाली जनताया अधिकार सुनिश्चित याःगु मदुनि । उकिं झीगु माग धैगु कालान्तरतक संविधान संशोधन हे खः । तर, थथे धयाः थ्वहे खँय् जक अडिग जुयाच्वन धाःसा थुगु संविधानपाखें प्राप्त जूगु अधिकारयात नं छ्यले फइमखु । थ्व यथास्थितियात थुइकाः संविधानं बियातःगु अधिकारकथं भाषिक अधिकार, जातिय अधिकार व स्वंगू तहया सरकारयात बियातःगु अधिकारयात सदुपयोग यानाः वनेमाःगु खनेदु । गुकी संविधानं बियातःगु अधिकार कथं भाषाया खँ, प्रदेशया नामांकनया खँ, स्थानीय तहलय् बियातःगु अधिकारया खँ, झीगु आन्दोलनया मागलिसे गुलि ज्वःलाः उलि कायेमाःगु व सदुपयोग यायेमाःगु खनेदु ।

“तं प्वः झीके, धन प्वः मेपिंके”थें जुइ । मेता खँ दलीय राजनीतिइ झीसं निषेधया राजनीति यायेत स्वल धाःसा झीसं ल्ह्वनागु आन्दोलन थासय् लाइगु खनेमदु । उकिं निषेधया राजनीति मयाये, झीगु पक्षय् दुपिं छथाय् च्वने ।

राजनीतिकया पूर्ण परिवर्तनया नितिं संविधान संशोधनया नितिं झीगु न्ह्यःने आः निगू जक विकल्प दु कि दुई तिहाई बहुमतसहित झीगु पक्षया राजनीतिक दल त्याकाः छ्वयेमाःगु मखुसा हाकनं राजनीतिक पुनरावलोकन कथं सशस्त्र संघर्ष यायेमालीगु । थ्व निता मध्ये आः गुगुपतिं लँपु पाय्छि जुइ थ्व खँय् बिचाः यायेमाः । मखुसा झीगु स्थिति “तं प्वः झीके, धन प्वः मेपिंके”थें जुइ । मेता खँ दलीय राजनीतिइ झीसं निषेधया राजनीति यायेत स्वल धाःसा झीसं ल्ह्वनागु आन्दोलन थासय् लाइगु खनेमदु । उकिं निषेधया राजनीति मयाये, झीगु पक्षय् दुपिं छथाय् च्वने । अस्तु ।।

Categorized in बिचा: