nepal life

चुनावया प्रचारप्रसार खस भासं जक याःगुलिं ध्यानाकर्षण याकीगु

नेवा: अनलाइन न्युज – ललेन्द्र शाक्य | २०७४ कार्तिक २६, आइतबार १७:४०:३१

थ्वहे वइगु मंसीर १० व २१ गते निगूगु चरणय् न्ह्याकीगु प्रतिनिधिसभा व प्रदेशसभाया निर्वाचनया प्रचारप्रसार खस नेपाली भासं जक याःगुलिं निर्वाचन आयोगयात थ्व विषययात कयाः ध्यानाकर्षण याकीगु जूगु दु ।

नेवाः जागरण मञ्चया संयोजनय् कन्हय् सोमवाः निर्वाचन आयोगया केन्द्रीय ज्याकुथि जमलय् च्वंगु बहादुर भवनय् वनाः आयोगया प्रमुख आयुक्त अयोधीप्रसाद यादवयात थीथी भासां निर्वाचनया प्रचारप्रसार व मतदाता शिक्षाया नितिं ध्यानाकर्षणया लिसें ज्ञापन पौ लःल्हाइगु जूगु दु ।

उगु ज्ञापनपौ लःल्हायेगु नितिं नेवाः न्ह्यलुवाःपिं लिसें येँया थीथी पार्टीपाखें प्रतिनिधिसभा व प्रदेशसभाया चुनावय् उम्मेदवारपिं मुनाः आयोगय् वनेत्यंगु खँ सीदूगु दु ।

जागरण मञ्चं ब्यूगु जानकारी कथं थथे लःल्हायेत्यंगु ज्ञापन पतिइ निर्वाचन आयोगथें जाःगु संवैधानिक निकायपाखें संविधान कथं राष्ट्रभाषा घोषित संरक्षणया नितिं व मतदातापिन्सं थःगु भासां सुचं कायेगु अधिकारयात कयाः निर्वाचन आयोग थ्व विषयस गम्भीर जुइत ध्यानाकर्षण याकेत्यंगु खँ सीदूगु दु ।

Categorized in राजनीति